Күн сайын айналамызда түрлі өзгерістер орын алуда.

  Соның бірі – сән әлемі.   Маусым сайын дизайнерлер сәндегі өзгерістерге сай топтамаларын дайындап, тұтынушыны таңқалдырып жатады. Әрине, қиялдан пайда болған топтаманың сұранысқа ие болуы -  халықтың көңілінен шыға алуында.   Ал халық көңілінен шыққан киім үлгісі жылдар бойы сәннен қалмасы анық. Қазір киінуде жаңа тренд пайда болды: қымбат киімге қарағанда ыңғайлы әрі жайлы киімге сұраныс артты.  

Жейде тәріздес кеудеше-көйлек

  Кеудеше-көйлек күнделікті кеңсеге киетін жейдеге ұқсайды. Тек бұл жейде сырт киім тәріздес қалың матадан тігіледі. Таза былғарыдан немесе джинсыдан жасалған кеудеше-көйлек кеңінен таралған. Кеудеше-көйлекті кез келген формадағы қыз-келіншектер кие береді. Өйткені оның арнайы бір өлшемі жоқ.

 Мұндай сырт киімді әртүрлі киім үлгілерімен  киюге болады. Қаласаңыз, спорттық киім түріне немесе классикалық үлгіге айнала салады.

Назарыңызға кеудеше-көйлектің бірнеше түрін ұсынамыз:

• Ұзартылған
• Қалтасы бар
• Капюшоны бар
• Белге дейін қысқа кеудеше-көйлек
• Жасанды жүннен немесе жасанды қойдың терісінен тігілген
• Белбеуі бар
• Жұмсақ матадан тігілген
• Эко-былғарыдан
• Жүннен тігілген

  Жоғарыда көрсетілген кеудеше-көйлектерді маусымның кез келген уақытында кисеңіз болады. Қыста суықтан, желден қорғаса, көктемде сырт киім, жазда классикалық пенжекке айнала салады. Кеудеше-көйлекті талғаммен таңдап, киімдермен өзара үйлестіре алсаңыз әрқашан сәнді болады.