Бәріміз танымайтын елді мекенге келгенде жергілікті қосымшаларды қолданамыз. Қазақстанның ірі қалаларында қажет болатын қосымшалар қандай?

2GIS

  Бұл қосымша жергілікті тұрғындар мен саяхатшыларға арналған нұсқаулық. Мұнда сіз әртүрлі көлік түрлерімен (автомобиль, қоғамдық көлік, такси, жаяу)маршрут құрай аласыз. Сондай-ақ қаланың көрікті жерлерімен жаяу жүріп, тамақ ішетін жерді таба аласыз. Онымен қоса қосымша кешкі уақытыңызды қайда өткізуге болатын да қарап, жоспарлауға мүмкіндік береді.

Яндекс Go

  Қазақстандықтар мен ресейліктер арасында кеңінен қолданыстағы  қосымша. Мұнда сіз такси мен тамаққа тапсырыс беріп, жеткізуші қызметімен қолдана аласыз.

  Сіз қайда бару керегін белгілеп, сапар бағасын және болжамды уақытын бірден көресіз. Жол ақысын картамен немесе жүргізушіге қолма-қол ақшамен төлей аласыз.

Basilic

  Basilic - азық-түлік қосымшасы, мұнда әлемнің әртүрлі тағамдары ұсынылады: еуропалық, азиялық, шығыс және ұлттық. Жылдам қызмет көрсететін және әдемі интерьері бар заманауи форматтағы танымал асханалар желісі, онда сіз дәмді және қолжетімді бағада тамақтана аласыз.

Яндекс/Google аудармашы

Қазақстанға шет елдерден келетін азаматтар көмек сұрағанда бір-бірімізді түсінуге осы қосымша көмектеседі.

Оның мүмкіндіктері :

1. Кез келген көшірілген мәтіндерді, сайттарды немесе пошталарды аудару;

2. Екі жаққа да аударма, яғни телефонды басқа адамға бағыттап, одан сөйлеуін сұрай аласыз. Смартфон ауызша айтқаныңызды сіздің тіліңізге аударады.

3. Фотосуреттер мен жазуларды аудару. Қосымша барлық тілдегі әріптер мен сөздерді таниды. Мысалы, сіз  мейрамханадағы мәзірді де осы қосымша арқылы аудара аласыз.

4. Сөздерді қолмен жазу. Қажет сөзді қолмен енгізуге болады, содан кейін қосымша кез келген тілге аударып береді.

5. Интернетсіз жұмыс істеуге рұқсат етіледі. Сіз алдын ала, мысалы, қонақ үйде немесе үйде ағылшын-орыс тілі сияқты қажетті сөздіктерді жүктеп,  кейін оны интернетсіз пайдалана аласыз.

Krisha.kz

  Krisha.kz - жылжымайтын мүлік саласындағы хабарландыруларды орналастыруға арналған ең ірі қазақстандық сайттардың бірі. Сайт 2006 жылдың сәуірінде іске қосылды, оған дейін 10 жылдан астам уақыт бойы "Крыша" газеті ретінде шығып тұрды.

  Сайт бірнеше блоктарға бөлінген. Ең бастысы - жылжымайтын мүлікті сату және жалға беру туралы хабарландыру тақтасы. Жарнамаларды бірқатар параметрлер бойынша сұрыптауға болады. Сонымен қатар сайтта жылжымайтын мүлік қызметтері туралы хабарландырулар, агенттер мен әртүрлі қызметтердің тізімдері бар онлайн каталогтар бар. Келушілер арасында құрылыс, сәулет және қала өмірі туралы жаңалықтар бөлімі танымал.

Kaspi Bank

   Kaspi Bank — қосымша арқылы инновациялық қаржылық сервистер мен өнімдерді ұсынатын қазақстандық банк.

 Kaspi банкінің жетістігін әлемдік сарапшылар да мойындайды. Мысалы, 2020 жылы Kaspi Forbes журналында Қазақстан банктерінің рейтингін басқарды. Басылымның пікірінше банк активтері мен меншікті капиталын пайдалану бойынша ең тиімді болды.

Aviata КТЖ және әуе билеттері

  Aviata-дан - Қазақстан темір жолынан (ҚТЖ билеті) пойыз және ұшақ билеттерін барлық бағытқа онлайн сатып алуға болатын ең ірі сервистердің бірі. Теміржол билеттерін кез келген банктің Visa немесе MasterCard картасымен төлеуге болады. Сондай-ақ сіз түрлі авиакомпаниялардың ұшақ билеттерінің құнын көре отыра, қолжетімді бағада сатып немесе өзіңізге ыңғайлы рейске брондай аласыз.