Тәуелсіздік құрдастарының кәсібі, машығы, еңбек жолы мен шығармашылығы қоғамның әлеуметтік, экономикалық, саяси, мәдени қырларын қалай көрсетіп келеді? «Отыздан асып барамын» бағдарламасы осы төңіректе олармен сыр-сұхбат құрып, ой толғайды. Бүгінгі шығарылымның кейіпкері – бокстан халықаралық дәрежедегі спорт шебері, Qazaq Boxing club мектебінің негізін қалаушы Мұхит Амантаев. Кезінде Майк Тайсон мен Бекзат Саттархановтарға еліктеп, үлкен спортқа келген бапкер жігерлі де, табанды спортшыларды тәрбиелеп, көк туды көкке көтеріп, елдің рухын асқақтататын чемпиондарды шығаруды мақсат тұтады.