Ел президенті Қасым-Жомарт Тоқаев Түркияның Қазақстандағы елшілігіне барып, елдің оңтүстік-шығысында алапат  жер сілкінісінен апатқа ұшыраған бауырлас  халыққа көңіл айтып,  қолдау білдірді, - деп хабарлайды  QLIFE.KZ  тілшісі akorda.kz сайтына сілтеме жасап. Мемлекет басшысы Түркия еліне жан-жақты көмек көрсететінін атап өтті.

Президент көңіл айту кітабына жазба қалдырды.

– Түркияда болған жойқын жер сілкінісі салдарынан көп адамның қаза болуы баршамыздың қабырғамызды қайыстырды. Қазақстан халқының және жеке өз атымнан түрік бауырларымызға көңіл айтамын, – деп жазды Мемлекет басшысы.

    

  Сондай-ақ, мемлекет басшысының тапсырмасы бойынша алапат зілзал жер сілкінісінен зардап шеккен Түркия Республикасына гуманитарлық көмек ретінде $1 миллион соммасында қаражат бөлінді. ҚР Үкіметі 2023 жылғы 8 ақпанында тиісті қаулы қабылданды.