Atlas vpn командасының мәлімдеуінше, 2022 жылы blockchain қосымшасына 301 шабуыл жасалған. 2021 жылы алаяқтар қосымшаға 237 рет шабуылдаған. Жалпы айтқанда, алаяқтар $3,5 млрд астам крипто активтерін ұрлаған.

  Ресей азаматы қазақстандық криптовалютада 2020 жылдың шілдесінен 2023 жылдың қаңтарына дейін заңсыз қызмет нәтижесінде 180 млн теңгеден астам қаражат алғаны белгілі болды.

   «Қостанай облысында Ресей азаматы тыйым салынған кәсіпкерлік қызметпен айналысып, заңсыз криптовалюта айырбастау пункттерін пайдаланды», - деп Қаржы мониторингі агенттігінің баспасөз қызметі хабарлады.

  Сот күдіктінің 85 млн теңге сомасындағы жылжымайтын мүлкін, оның ішінде випапсе криптобиржасы платформасында орналастырылған цифрлық активтеріне тыйым салуға қаулы етті.

  Құқық қорғау органдары крипто айырбастау пункттері арқылы цифрлық активтермен тыйым салынған кәсіпкерлік қызметті жүзеге асырған қылмыстық топтың қызметін тоқтатты.

  АФМ көлеңкелі экономикаға қарсы күрес бойынша жұмысты жалғастыратынын атап өтті. Былтыр ғана агенттік қабылдайтын шаралар кешені көлеңкелі экономика деңгейін 21,5%-тен 19,7% - ға дейін төмендеуіне оң әсер етті.