Стамбулда 14 жасқа дейінгі ойыншылар арасында Tennis Europe сериясының екінші санатындағы турнирінде Ақтөбе теннис мектебінің спортшысы Ева Корышева жақсы нәтиже көрсетті.

  Бұл жарыста Еуропаның 64 мықты теннисшілері бақ сынады.

  Төртінші нөмірлі қазақстандық спортшы ақтық сында Чехияның мықты теннисшісі Яна Ковачкованы 6:1, 7:6 есебімен жеңді.

  Осылайша Ева Еуропадағы жекелей төртінші титулын жеңіп алды. Еуропалық теннис қауымдастығының  рейтингінде спортшы қызымыз 61-орында тұр. Бірақ сейсенбіде Түркияда өткен турнирдегі жеңістің нәтижесімен рейтингтегі орны айтарлықтай көтерілді.