Финляндия алты жыл қатарынан Дүниежүзілік бақыт рейтингінде (World Happiness Report) бірінші орынды иеленді. Қазақстан 137 елдің арасында 44-ші орында.

  Ең бақытты елдердің алғашқы ондығына  кірген елдер:

• Финляндия
• Дания
• Исландия
• Израиль
• Нидерланд
• Швеция
• Норвегия
• Швейцария
• Люксембург
• Жаңа Зеландия

  Қазақстан 44-ші, Өзбекстан – 54-ші, Қырғызстан – 62-ші орынға жайғасты.

  Литва – алғашқы 20 елдің ішіне кірген жалғыз жаңа ел, ол 2017 жылмен салыстырғанда 30-дан астам позицияға көтерілді. Соғыстан зардап шеккен Ауғанстан мен Ливан ең бақытсыз ел болып қала береді. Бұл елдерде өмірдің орташа көрсеткіші ең бақытты он елмен салыстырғанда бес ұпайға төмен (0-ден 10-ға дейінгі шкала бойынша). 92-ші орында тұрған Украина соғыстың кесірінен бақыт пен әл-ауқат деңгейі қатты түсті.

  "Соғыстың жойқын салдары барлығына айқын. Бірақ таңқаларлығы, украиндықтардың әл-ауқаты 2014 жылы Ресейдің Қырымды аннексиялаған кезбен салыстырғанда аса қатты төмендемеген.  Бұл Украинадағы жолдастық сезімінің өсуіне байланысты. Адамдар бір-біріне қамқорлық жасап, көмек қолын созуының арқасында. Ресейдің шапқыншылығы украин елін  біртұтас ұлтқа айналдырды", - деп Әл-ауқатты зерттеу орталығының жетекшісі, Оксфорд университетінің профессоры Жан-Эммануэль де Нев мәлімдеме жасады.

  Ең бақытты елдер рейтингінде Ресей 70-ші, Өзбекстан - 54 – ші, Қырғызстан - 62-ші орынға ие болды. Әртүрлі елдердегі бақыт деңгейін бағалауды анықтау үшін World Happiness Report-ты құрайтын зерттеушілер соңғы үш жылдағы Gallup International социологиялық қауымдастығының сауалнамаларына негіздеп жасады.  

  "Әлемдегі адамдардың көпшілігі таңғажайып өміршеңдікті жалғастыруда: Covid-19 периоді кезіндегі 2020-2022 жылдардағы әлемдегі өмірге қанағаттанудың орташа көрсеткіштері пандемияға дейінгі жылдардағыдай жоғары", – делінген хабарламада.