Елде  бензин мен дизельдің көтерме саудасына шекті баға белгілеу жоспарланып отыр. Бұйрық жобасы «Ашық НҚА» сайтында жарияланды.

  

  ҚР Энергетика министрлігінің жобасында былай делінген:

  Бағаларды мемлекеттік реттеу белгіленген стационарлық жанармай құю станцияларына мұнай өнімдерін көтерме саудада өткізудің шекті бағалары қосылған құн салығын ескере отырып, мынадай мөлшерде белгіленсін:

  АИ-80 бензині – тоннасына 93 161 теңге;

  АИ-92 және АИ-93 бензині – тоннасына 193 649 теңге;

  дизель отыны (жазғы, маусымаралық) – тоннасына 236 156 теңге.

  Жоба наурыздың 30-ына дейін қоғамдық талқылауда болмақ.