Қарағанды ​​облысы Саран қаласының спортшысы Ксения Игнатова жүзуден бес алтын медаль жеңіп алып, Қазақстан чемпионатында жаңа рекорд орнатты.

  Талдықорғанда жүзуден Қазақстан чемпионаты өтті. Оған еліміздің 16 облысынан 300-ден астам спортшы қатысты. Чемпионатта бес рекорд орнатылды. Олардың қатарында Ксения Игнатованың жетістігі бар. Ә.Молдағұлова атындағы олимпиадалық резерв мектеп-интернатының оқушысы 200 метрді арқасымен 02:14.17 нәтижемен жүзіп өтті.

  Турнир жүзу бойынша алдағы Жапонияның Фукуока қаласында болатын әлем чемпионатына іріктеу болды. Нәтижесінде Ксения Игнатова және тағы 6 қазақстандық спортшы Күншығыс еліне аттанды.

  «2022 жылы сәтті ойын көрсеткеннен кейін Саран қаласының тумасы қатарластарының арасында ұлттық рейтингте бірінші орынды иеленіп, 2023 жылы өтетін Азия ойындарына қатысуға бірінші үміткер атанды», - деп Қарағанды облысының дене шынықтыру және спорт бөлімі хабарлады.