Боксшы Әбілхан Аманқұл кәсіпқой рингте кезекті жеңісіне қол жеткізді.

  Ол АҚШ-та өткен бокс кешінде мексикалық Даниэль Эчеверриамен кездесті. Жекпе-жек супер орта салмақта өтті және сегіз раундқа есептелген болатын. Отандық боксшы кездесудің үшінші раундында қарсыласын нокаутқа жіберді. Бұл боксшының кәсіби бокстағы үшінші жеңісі.

  Еске сала кетейік, әуесқой бокста Әбілхан Аманқұл 2017 жылғы әлем чемпионатының күміс жүлдегері, 2018 жылғы Жазғы Азия ойындарының күміс жүлдегері атанған.