Жалпы макарон өнімдері қазақстандықтардың рационының маңызды элементі. ҚР-да макарон өнімдерін өндіру ағымдағы жылдың бірінші тоқсанында 39,3 мың тоннаны құрады, былтырғы статистикамен салыстырғанда еш өзгеріссіз.

  Негізгі өндіріс Қостанайда - 6,8 мың тонна, Солтүстік Қазақстан  облыстарында - 6,7 мың тонна, сондай-ақ Шымкентте - 6,3 мың тонна, Батыс Қазақстан облысында - 5,4 мың тонна және Астанада - 5 мың тонна шоғырланған. Осы бес аймақ сектордағы барлық шығарылымның 77%-ін құрады.

  2022 жылғы қаңтар-желтоқсан айларында сектордағы өндіріс 166,1 мың тоннаны құрады. Рекордтық өндіріс көлемі 2020 жылы тіркелді, бұл кезде бірден 178,9 мың тонна өнім болды.

  Елде макарон өнімдеріне сұраныстың жоғары екенін ескеретін болсақ, аталған секторлардың дамуы маңызды. Сондықтан өндірістің кеңеюін оң көрсеткіш деп санауға болады. Мысалы, 2019 жылы Астанада павлодарлық "Машам" бренді бешбармақ, лагман және кеспеге арналған макарон өнімдерін шығарады. Өндірісті кеңейтуге 2021-2025 жылдарға арналған кәсіпкерлікті дамыту жөніндегі ұлттық жоба шеңберінде "Даму" қоры ықпал етті. Несиелік қолдау Серіктестік қаржы институты — ForteBank арқылы жүзеге асырылды.

  Айта кетейік, ЕО-тағы макарон өнімдерін өндіруші ұйымдар одағының макарон өнімдерін тұтыну бойынша елдердің рейтингісіне сәйкес бірінші орында Италия (2021 жылы жан басына шаққанда 23,5 кг), екінші орында Тунис (жан басына шаққанда 17 кг) тұр. Бұл ретте, ҚР Стратегиялық жоспарлау және реформалар агенттігі Ұлттық статистика бюросының мәліметі бойынша ҚР-да 2021 жылы жан басына шаққанда макарон өнімдерін (вермишель, спагетти, макарон) тұтыну 18 кг құрады. Бұл көрсеткіш Тунистің көрсеткішіне қарағанда жоғары, ал ол АҚШ-тың көрсеткішінен екі есе көп. 2022 жылы тұтыну жан басына шаққанда 17,3 кг-ға дейін төмендеді, бірақ бұл басқа елдермен салыстырғанда айтарлықтай жоғары деңгейде. Ұлттық тағамдардың ерекшеліктерін, лағманның көптігін және бешбармаққа деген сүйіспеншілікті ескерсек, бұл бізге таңқаларлық жаңалық емес.

  Наурыз айының қорытындысы бойынша макарон бағасы бір жылда бірден 35,1% - ке өсті. Қазақстандықтардың сүйікті кеспесі 36,2%-ке, вермишель 35%-ке қымбаттады.