Ақмола облысында Аграрлық несие корпорациясы арқылы «Кең Дала» бағдарламасы бойынша көктемгі дала жұмыстарын несиелендіруге 29,4 млрд теңгеге 327 өтінім қаржыландырылды. Форвардтық сатып алу бағдарламасына «Азық-түлік корпорациясы» ҰК» АҚ арқылы 4,1 млрд теңге бөлінді.

    Ағымдағы жылдың егіс науқанына 15,1 мыңға жуық трактор, 16,6 мың сепкіш және 1,5 мың бірлік жоғары өнімді егіс кешендері қатысады деп жоспарлануда. Бұл техникамен бүкіл егіс алқабының шамамен 70%-ін егу жоспарлануда, ал бұл шамамен 3,2 млн га.

  «Жыл басынан бері шамамен 16,7 млрд теңге сомаға 366 бірлік ауыл шаруашылығы техникасы, оның ішінде 83 трактор, 33 егіс кешені, 41 сепкіш және 209 бірлік басқа ауыл шаруашылығы техникасы сатып алынды. Мемлекет бұл мәселеде үлкен мемлекеттік қолдау көрсетеді», - деп Ақмола облысы Ауыл шаруашылығы басқармасы басшысының м. а. Хасым Итқұсов бөлісті.

  Егіс науқанын уақытылы жүргізудің негізгі шарттарының бірі – жанар-жағар май жеткілікті мөлшерінің болуы. Ағымдағы жылы ҚР Үкіметі көктемгі дала жұмыстарына Ақмола облысы үшін белгіленген бағамен дизель отынының кепілдендірілген көлемі - 74,3 мың тонна бөлді.

  «Ақпан айынан бастап біз бұл жұмысты жүргізіп келеміз. Қазірдің өзінде 59 мың тоннаға шарттар жасалды, қазіргі уақытта аудандық терминалдарға дизель отынын төлеу және жеткізу және оны іріктеу жүргізілуде. Бұл ретте дизель отынының сату бағасы тоннасына 222 мың теңгені құрайды, шаруалар үшін соңғы баға – 1 литр үшін 220 теңге», - деп Хасым Итқұсов хабарлады.

  Ағымдағы жылы көктемгі егіс жұмыстарын табысты жүргізу үшін ауыл шаруашылығы тауарын өндірушілерді субсидиялау және кредиттеу жолымен аграрлық секторды мемлекеттік қолдау көзделген. Мәселен, ағымдағы жылы өңірдің ауыл шаруашылығы саласын дамытуға 46,6 млрд теңге бөлінді, оның ішінде өсімдік шаруашылығы саласына 12,9 млрд теңге субсидия құйылды.