«Болашақ» халықаралық стипендиясын 182 қазақстандық алғаны белгілі болды. Оның ішінде 149 адам магистратурада, 7 адам докторантурада, 26 адам әлемнің жетекші жоғары оқу орындары мен өндірістік орталықтарына тағылымдамадан өтуге жіберіледі.

Бұл ретте, стипендиаттардың басым көпшілігі «Болашақ» бағдарламасын қайта бағдарлау жөніндегі Мемлекет басшысының тапсырмасы бойынша инженерлік-техникалық кадрларды даярлауға баса назар аударылады. Оқуға түсушілерді қолдау үшін жаңа жеңілдікті санат – «инженерлік-техникалық қызметкерлер» енгізілді.

«Біздің бастамамыз бойынша медицина қызметкерлері үшін іріктеу ережелері жеңілдетіледі», - деді «Халықаралық бағдарламалар орталығы» АҚ Басқарма төрағасы Олжас Сәкенов.

Стипендиаттардың ресми тізімдері «Халықаралық бағдарламалар орталығы» АҚ сайтында жарияланды.