Бүгін "101" пультіне Ақсуат ауданы Шыбынды ауылындағы асфальт зауытында битум жанып жатқаны туралы хабарлама келіп түсті. Оқиға орнына келген өрт сөндірушілер зауыт аумағында жалпы көлемі 10 тоннаны құрайтын битумы бар 3 бөшке жанғанын анықтады.

Өрт сөндірушілер отпен күресіп, көбікпен өртті жарты сағат ішінде жойды. Құрбандар мен зардап шеккендер жоқ. Өрттің себебі анықталуда.