Алдын ала қорытындылар бойынша 2023 жылғы қаңтар-мамырда сыртқы сауда айналымы 8% - ға өсті. Бұл туралы бүгін ҚР Ұлттық экономика министрі Әлібек Қуантыров Үкімет отырысында мәлімдеді. "Алдын ала қорытындылар бойынша, 2023 жылғы қаңтар-мамырда сыртқы сауда тауар айналымы 8% - ға өсіп, 55,8 млрд АҚШ долларын құрады", - деді Әлібек Қуантыров.

Бұл ретте, министр атап өткендей, экспорт 31,6 млрд долларды құрады. АҚШ өңделген тауарлардың экспорты 3,8% - ға өсіп, 10,2 млрд долларды құрады. Тауарлар импорты 24,2 млрд долларға тең.

"Жалпы оң сауда балансы 7,4 млрд доллар болды. Өндіріс көлемі 3,5% - ға өсті. Оң өсім 15 өңірде тіркелді. Ең үлкен өсім Батыс Қазақстан, Қостанай облыстарында, Абай облысында, сондай-ақ Алматы қаласында байқалады", - деді Әлібек Қуантыров.

Бұған дейін министр ағымдағы жылдың бірінші жартыжылдығының қорытындысы бойынша Қазақстан экономикасының өсу қарқыны 5 %-ті құрағанын айтқан болатын.