Елімізде ЖОО-да білім беру гранттарының конкурсына қатысу үшін өтініштер қабылдау басталды, - деп хабарлайды QLIFE.KZ тілшісі Ғылым және жоғары білім министрлігіне сілтеме жасап.

«Бүгін еліміз бойынша ЖОО-да білім беру гранттарының конкурсына қатысу үшін өтініштер қабылдау басталды, ол 20 шілдеге дейін жүргізіледі. Талапкерлер өтініштерін онлайн да, офлайн да тапсыра алады», - делінген хабарламада.

Биыл құжаттарды қабылдау eGov арқылы онлайн форматта немесе ЖОО-лардың қабылдау комиссиялары арқылы офлайн форматта жүзеге асырылады. Сонымен қатар, ЖОО-да виртуал қабылдау комиссиясы жұмыс істейтіні айтылды. Құжаттарды қабылдау кез келген ЖОО арқылы жүзеге асыруға болады.