Дмитрий Попко алғашқы ойынын Астанада "Челленджерде" өткізді.

Бірінші раундта қазақстандық спортшы түрік ойыншысын Корая Кирчиді 6:4, 4:6, 6:1 есебімен жеңді. Ширек финалға шығу үшін Попко өзбек спортшысы Хумаюн Сұлтановпен бақ сынасады.

"Президент кубогының" былтырғы финалисті Денис Евсеев Жаңа Зеландиялық спортшы н Аджит Раиді 6:4, 6:1 есебімен сенімді түрде жеңді. Екінші айналымда қазақстандық спортшы израильдік Орел Кимхимен ойнайды.

19 жастағы Ислам Орынбасар бірінші раундта Үндістаннан келген 616-шы ракетка Пржвал Девті 6:4, 1:6, 6:3 есебімен жеңді. Теннисшілер кортта екі сағаттан астам уақыт өткізді. Жартылай финалға шығу үшін Ислам жарыстың екінші ракеткасы Жаңа Зеландиялық Бенджамин Локпен бақ сынасады.