Мәжіліс төрағасы Ерлан Қошанов Анкарада Қазақстан-Түркия достық саябағының салтанатты ашылу рәсіміне қатысты. Салтанатты шарада Мәжіліс спикері саябақтың ашылу түбі бір, мәдениеті мен тарихы ортақ тамырлас екі елдің достығы мен ынтымағын нығайта түсетінін айтты.

  ҚР Ақпарат және қоғамдық даму министрі Дархан Қыдырәлі белгілі режиссер, продюсер Тимур Бекмамбетовпен кездесті.

  ҚР Парламенті Мәжілісінің депутаттары жалпы отырыста «Мүгедектердің құқықтары туралы конвенцияға Факультативтік хаттаманы ратификациялау туралы» заң жобасын қарап, қабылдады.

  Астанада Энергетикалық сектор кәсіпорындары жұмысының тиімділігін арттыруға қатысты іс-шара өтті. Іс-шара аясында Қазақстан электр энергетикалық қауымдастығы, "Aqua-MOL GmbH" шетелдік компаниясы және Халықаралық технологиялар мен құзыреттілік орталығы арасындағы ынтымақтастық туралы үшжақты меморандумға қол қойылды.

  Еңбек және халықты әлеуметтік қорғау министрлігінің баспасөз қызметінің мәліметінше, "1 шілдеден бастап "Алтын алқа" алқасымен, I және II дәрежелі "Ана даңқы" ордендерімен марапатталған, "Батыр ана" атағын алған, яғни 7 баланы дүниеге әкелген және өсірген аналарға республикалық бюджеттен төленетін әлеуметтік жәрдемақы мөлшері 7,4 АЕК-ке дейін өседі (2023 жылы – 25 530 теңге). Бұл өзгеріс 90 мыңға жуық марапатталған анаға қатысты болады", – делінген хабарламада.

  5-8-сынып оқушыларына арналған "ProEco" республикалық экологиялық жобалар байқауы басталды. Оған еліміздің барлық өңірінен 100-ден астам оқушы қатысады.

  Түркия президенті Режеп Тайып Ердоған жойқын жер сілкінісі кезінде көмектескен 80 елдің ТЖМ өкілдерін марапаттады.

  Қандастарды қабылдаудың өңірлік квотасына енгізу жөніндегі қызмет eGov.kz порталы мен eGov mobile мобильді қосымшасында қолжетімді. Қызмет қандастар мен қоныс аударушыларды қабылдаудың өңірлік квотасына енгізу үшін өтінім беруді көздейді.

  БАӘ-нің жаңа чемпионы, 26 жастағы қазақстандық спортшы Сабина Алтынбекова әлемдегі ең бай волейболшылар тізіміне енді.

  Қасым-Жомарт Тоқаев Қазақстан халқы Ассамблеясы Төрағасының жаңадан тағайындалған орынбасарлары Акбаржон Исмаилов пен Аурика Дякты құттықтап, олардың мол тәжірибесі жаңа жауапты лауазымда нәтижелі жұмыс істеуге көмектесетініне сенім білдірді.

  2023 жылғы 1 сәуірдегі жағдай бойынша Мемлекеттік әлеуметтік сақтандыру қорынан жұмысынан айырылуына байланысты әлеуметтік төлем алушылардың саны 63 мың адамды құрады.

  Ақмола облысында Аграрлық несие корпорациясы арқылы «Кең Дала» бағдарламасы бойынша көктемгі дала жұмыстарын несиелендіруге 29,4 млрд теңгеге 327 өтінім қаржыландырылды. Форвардтық сатып алу бағдарламасына «Азық-түлік корпорациясы» ҰК» АҚ арқылы 4,1 млрд теңге бөлінді.